Posedźenje brunicoweho wuběrka w Budyskim krajnoradnym zarjedźe dnja 25. apryla 2013

Na posedźenju brunicoweho wuběrka Regionalneho planowanskeho zwjazka Hornja Łužica/Delnja Šleska dnja 25. apryla 2013 wobdźěli so 18 čłonow našeho zwjazka, zo bychu 5 (!) přitomnym zastupjerjam wuběrka přez ramjo hladali.

Dokelž njemějachmy prawo rěčenja, njemóžachmy swoje kritiske přispomnjenja přednjesć, a tuž zwostachu bytostne dypki wotewrjene:

• Brunicowy plan přeńdźe so přećiwo płaćiwemu europskemu wódnemu prawu.
• Dokelž je potrjeba wuhla jara dwělomna (hlej posudk von Hirschhausena w přirunanju z posudkom Erdmanna), dyrbi so zwěsćenje plana na dobro potrjechenych wobydlerjow wusadźić.
• Bytostne dypki planowanjow (na přikład hustotna sćěna) njejsu we wupołoženych planach zapřijate, tute maja so nuznje sobu wobkedźbować.

Wuslědk posedźenja bě, zo so zwěsćenje plana za Wochozy II na spočatk junija přesunje.