Strukturnu změnu nětko – žane Wochozy II!
Strukturnu změnu nětko – žane Wochozy II! Akciski zwjazk přećiwo planowanej jamje Wochozy II

Peticija přećiwo dowolenju jamy Wochozy II

Z peticiju, kotraž so 16.09.2013 zahaji a za kotruž so tři njedźele podpisma zběraja, namołwjeja podpisacy sakske nutřkowne ministerstwo, zo njeby dalepisanje brunicoweho plana za jamu Wochozy (wotkryće noweje jamy Wochozy II) dowoliło. Podpisacych tuteje peticije zastupuje zwjazk "Strukturnu změnu nětko - žane Wochozy II"

W "Směrnicach statneho knježerstwa k přichodnej brunicoweje politiki w Sakskej" z lěta 1992 rěkaše: "Wudobywanje brunicy (ma so) wobswěto- a socialnje znjesliwje rjadować, tak zo so předewšěm dalše přesydlenja wsow do dalokeje měry wobeńdu, so znajmjeńša přećiwo woli přewahowaceje wjetšiny potrjecheneje ludnosće (...) njepřewjedu."

Wobzamknjenja komunalneju zastupnistwow w Slepom a Rownom wuprajeja so jasnje přećiwo wotbagrowanju wsow. Statne knježerstwo je w lěće 1992 na zakładźe nazhonjenjow do 1990 wotum potrjecheneje ludnosće jako wobkedźbowanja hódne posudźowało - z toho njeje 20 lět pozdźišo ničo wjace pytnyć. Woprašowanje potrjechenych, HAČ chcedźa so přesydlić, so njeje wotměło.

Pósćelće lisćiny prošu hač do 06. nowembra 2013 na adresu:

Bündnis 'Strukturwandel jetzt - Kein Nochten II'
Spreewitzer Straße 5
02979 Neustadt/Spree