Peticija: Ničenje Běłowodźanskeho pralěsa skónčić!

Tekst peticije:

"Lětstotki stary lěs w Hornjej Łužicy, kiž je jedyn z poslednich pralěsow Němskeje, dyrbi so wuchować. Dla dale postupowaceho wudobywanja brunicy k dobywanju energije – a to w dobje energijoweho přewróta a k tomu hišće w Němskej – so lěs trjebi, kotrehož štomy su zdźěla starše hač 400 lět!

Nic jenož, zo podawa aktualna studija zwěsćenja, kiž rěča přećiwo hospodarskosći tutoho předewzaća a dopokazuja rabiatne ničenje přirody. Ze spočatkom ničenja tutoho lěsa bjeru so tež tysacam ludźom jich domizna a jich kulturne korjenje. Z toho potrjechene běchu a su tež etniske mjeńšiny. Lutz Stucka piše, zo běše tutón pralěs Serbam hižo přez wjele lětstotkow swjate, kulturne a nabožne srjedźišćo (2008, Ein uralter Wald mit seinen Geschichten und Sagen : vom slawischen Kultplatz zum bedeutenden Jagd-, Forst- und Naturschutzgebiet der Lausitz. Cottbus : Regia-Verlag).

Z přirodu so wuznawacy wobydlerjo wuchadźeja w swojej rozprawje z toho, zo je něhdźe 100 pod škitom přirody stejacych a zdźěla wohroženych družin rostlinow, kaž pisana łučna lilija, w Běłowodźanskim pralěsu zadomjenych  (http://tagebauwald.natur-talente.de/).

Wot junija tutoho lěta su regionalne planowanske zwjazki z tym zaběrane, wo přichodźe brunicy a z tym wo dalšim rozšěrjenju jamy na kóšty bliskeho Trjebinskeho zwěrjenca rozsudźić. Tohodla wotměwaja so runočasnje napominanske straže, fachowe rozmołwy a tak mjenowany Łužiski klimowy a energijowy camp, štož swědči wo aktualnosći a brizancy w tutym regionje so wotměwacych procesow

Njesměrnje wulki dźěl něhdy 98 ha wulkeho a pod škitom přirody stejaceho lěsa a z tym tež prěni Pücklerowy krajinowy park je so hižo z woporom Vattenfallskich bagerow stał (http://goo.gl/maps/FNS1b). Je potajkim najwjetši čas, přetož přichodne trjebjenje ma so lětsa nazymu započeć.

Hdyž pak nětko aktualne prócowanja wo wuchowanje Běłowodźanskeho pralěsa podpěrujemy a šěroku zjawnosć wo tym informujemy, što so tam stawa, móžemy zbytk lěsa, rědku floru a fawnu kaž tež domiznu tysacow ludźi wuchować.“

link k peticiji pod avaaz.org